دینہ(ملک بوستان)حکومت پنجاب کی ہدایات کے مطابق 12 اپریل بروز جمعہ دن2:30 بجے محکمہ ہائی وے کا پنڈ دادانخان روڈ موضع جلالپور میں واقع گیسٹ ہاوس میں ڈپٹی کمشنر جہلم محمد سیف انور جپہ اور ڈسٹرکٹ پولیس آفیسر جہلم کیپٹن (ر) سید حماد عابد کھلی کچہری لگائیں گے جس میں ایڈیشنل ڈپٹی کمشنر ریونیو میسم عباس، ایڈشنل ڈپٹی کمشنر جنرل سید نذارت علی، اے سی پنڈ دادنخان، ڈی ایس پی پنڈ دادنخان و سمیت ضلعی محکموں اور پولیس کے سربراہان کو شرکت کرنے کی ہدایت دی گئی ہے۔ کھلی کچہری میں سائیلین اپنے مسائل کے فوری حل کے لئے اوقات کار کی پابندی کرتے ہوئے تشریف لائیں۔ کچہری میں میرٹ کی بنیاد پر موقع پر مسائل حل کیے جائیں گے۔یاد رہے کہ یہ کھلی کچہری جلالپور شریف میں لگائی جا رہی ہے۔
