ضلع جہلم اور دیگر شہروں میں پیشہ ور بھکاریوں کی بھرمار رمضان المبارک میں دوسرے صوبوں سے بھی بھکاری جہلم اور دیگر شہروں میں پہنچ گئے خصوصی طور پر چائلڈ لیبر کے بعد جہلم میں چائلڈ بیگنگ عروج پر اہلیان ضلع جہلم کی حکام بالا سے نوٹس لینے کی اپیل

جہلم(رپورٹ ڈاکٹر عمران جاوید خان)ضلع جہلم اور دیگر شہروں میں پیشہ ور بھکاریوں کی بھرمار رمضان المبارک میں دوسرے صوبوں سے بھی بھکاری جہلم اور دیگر شہروں میں پہنچ گئے خصوصی طور پر چائلڈ لیبر کے بعد جہلم میں چائلڈ بیگنگ عروج پر اہلیان ضلع جہلم کی حکام بالا سے نوٹس لینے کی اپیل۔ یاد رہے کچھ دن پہلے ڈی پی او جہلم کیپٹن (ر) سید حماد عابد نے پیشہ ور بھکاریوں کے خلاف کاروائی کا آرڈر جاری کیا تھامگر اس پر ابھی تک عملدرآمد نہیں کیا گیا رات گئے تک چھوٹے چھوٹے بچے مشین محلہ روڈ،ریلوے روڈ،جی ٹی ایس چوک،چھاونی چوک اور تحصیل دینہ شہراور ملحقہ مضافات میں بھیک مانگتے نظر آتے ہیں دن کو چھوٹی بچیاں اور بچوں سمیت بڑی عمر کے بھکاری مین بازار، ریلوے روڈ،جی ٹی روڈ اور بس اسٹینڈز وغیرہ میں بھیک مانگتے نظر آتے ہیں شاپنگ کے لئےشہر میں آئے دور دراز علاقے کےلوگوں کا کہنا ہے بازار میں ان بھکاریوں کیوجہ سے شاپنگ کرنا بھی انتہائی مشکل ہو گیا ہے یہ لوگ گروپوں کی شکل میں بازاروں میں گھوم رہے ہوتے ہیں اگر کسی ایک پر ترس کھا کر پیسے دے دو تو یہ گروہ بازار میں چلنا پھرنا مشکل کر دیتے ہیں اور لاتعداد بھکاری پیچھے پڑ جاتے ہیں جن میں زیادہ تر تعداد عورتوں اور بچوں کی ہوتی ہے۔ان نام نہاد بھکاریوں کیوجہ سے عید کے نزدیک چوریاں بھی عروج پر شروع ہو جاتی ہیں اور کسی بھی تھانے میں ان بھکاریوں کے اندراج نہ ہونے کی وجہ سے نامعلوم چوروں کو ڈھونڈنا بھی سیکیورٹی اداروں کے لئے ممکن نہیں رہتا ہے ڈی پی او جہلم کیپٹن (ر) سید حماد عابد سے اہلیان ضلع جہلم نے پرزور اپیل کی ہے کہ ان پیشہ ور بھکاریوں کے خلاف جاری کردہ اپنے آرڈر پر سختی سے عملدرآمد کروائیں تاکہ وہ آنے والے دنوں میں بازاروں کے اندر عید کے لئے اپنے پیاروں کے لئے سکون سے کوئی چیز خرید سکیں۔ اور اس کام کو منتقی انجام تک پہنچانے کے لئے ضلع بھر کے تھانوں کی روزانہ کی بنیاد پر رپورٹ کو چیک کریں۔

Share on FacebookTweet about this on TwitterShare on Google+