چیف منسٹر پنجاب نے تحصیل دینہ کو ریسکیو 1122 کے لیے ایمبولینس دے کر دل جیت لیے ۔
ایم پی اے یاور کمال کی شب وروز محنت سے تحصیل دینہ کے شہری استفادہ حاصل کریں گے ۔
تفصیلات کے مطابق گزشتہ روز ریسکیو سروس کا افتتاح بدست ایم پی اے یاور کمال ہوا ۔
کہا جاتا ہے کہ جس نے کسی ایک کی جان بچائی تو گویا اس نے تمام انسانوں کی جان بچائی۔
حکومت پنجاب نے نامساعد حالات کے باوجود تحصیل دینہ کو ریسکیو 1122 کے لیے دو عدد نئی ایمبولینس مہیا کی۔شہر دینہ کی اکثریت نے اس تقریب میں شرکت کی پرنٹ میڈیا اور الیکٹرانک میڈیا کے نمائندے موجود تھے اسسٹنٹ کمشنر محمد قاسم نے ڈپٹی کمشنر جہلم اور ایم پی اے یاور کمال کا استقبال کیا ریسکیو 1122 کے اہلکاران نے معزز مہمانوں پر پھول نچھاور کیے ابتدائی طور پر 1122 کے اہلکاران نے ڈپٹی کمشنر جہلم اور ایم پی اے یاور کمال کو سلامی دی اس کے فوری بعد معزز مہمان خصوصی نے ریسکیو 1122 کا افتتاح کیا تقریب کا آغاز تلاوت قرآن پاک سے ہوا ریجنل ڈائریکٹر نے خطاب میں کہا کہ 1122 کی سروس بلاامتیاز تمام انسانوں کے لئے ہوتی ہے مشکل وقت میں بےبس انسانوں کی خدمت خلوصِ دل سے کی جاتی ہے ان کا کہنا تھا کہ 1122 ریسکیو سروس کے ساتھ تحصیل ہیڈ کوارٹر ہسپتال کا ہونا ازحد ضروری ہے تاکہ زخمی مسافروں کی بروقت طبی امداد کی جا سکے ڈپٹی کمشنر جہلم نے اپنے خطاب میں کہا کہ مثبت طریقے سے اس سروس سے استفادہ حاصل کرنا چاہیے بلا ضرورت عملے کو کال کر کے ان کا وقت ضائع نہ کیا جائے ایم پی اے راجہ یاور کمال نے بحیثیت مہمان خصوصی خطاب کرتے ہوئے کہا کہ آللہ کے فضل سے اور چیف منسٹر پنجاب کی خصوصی محبت سے ہمیں دو عدد ایمبولینس مل چکی ہیں اب شہری آسانی کے ساتھ استفادہ حاصل کریں گے اس میں پی ٹی آئی یا پھر مسلم لیگ ن کا مسلہ نہیں ہے تحصیل دینہ کے تمام شہری برابری کی سطح پر استفادہ کریں گے انہوں نے اس بات کا کھل کر اعتراف کیا کہ ڈپٹی کمشنر جہلم اور اسسٹنٹ کمشنر دینہ حکومت پنجاب کے وژن کے مطابق فرائض منصبی سر انجام دے رہے ہیں دونوں آفیسران بلاشبہ تمام شہریوں کی دن رات بروقت خدمت کرتے ہیں اس تقریب میں دینہ کی سیاسی مذہبی سماجی زعماء کی اکثریت نے شرکت کی۔
